School Ka Pehla or Aakhiri Din…

Yaad Hai Mujhe Aaj Bhi Wo School Ka Pehla or Aakhiri Din…

Aakein thodi nam or in nam aakon m kuch aansu dono hi din the,

Jaha Pehle din in aasuon ki wazah
Ghar se door kisi esi anjaan jagah jane ki thi jha mujhe koi nahi jaanta tha,                     Jha Koi meri sunne wala apna nahi tha,Jha koi mujhe ghar jesa pyaar dene wala nahi,
Bas us pehle din esa lag rha tha ki m ye kha aa gya hu or bs mujhe us din us time ka besabri se intzaar tha ki jaldi se ghar se koi wapis lene aa jaaye,
Nazrein poore din school ke gate par thi,Bas Ghar jaane ki ek dhun sawaar thi.

 

Wahi Aakhiri din in aasuon ki wazah is school ko chod kar hamesha chale jaane ki hai jha hamari itni yaadein judi hai,
In dosto se door chale jaane ki hai,jinke saath meri itni yaadein judi hai,jinke sath naa jaane kitne teachers ko sath milkar chidaya hai,
Assuon ki wazah is baat ki hai , jis tarah abhi tak hum daily mila karte hai ab naa jaane kitne time baad mila karenge,
Jis tarah hum yu roz masti kara karte hai ab na jaane wo masti doobara hogi bhi ya nahi,Us din esa lag rha tha ki ab ye time yu hi tham jaaye bas aaj 4 na baje.

 

Pehle or Aakhiri Dono hi din ek ajeeb sa dar sa tha,
Jaha pehle din naye logo se milne ka dar tha ki na jaane sab kese honge, na jaane koi dost banega bhi ya nahi,na jaane teacher kitne khatarnaak honge.
Wahi aakhiri din jaan se bhi pyaaare dosto se door jaane ka dar tha,ab kon meri bakwaas poore din sunega or apni mujhe sunaayega,in teachers se door jaane ka dar tha jinhone hame life m itna kuch shikhaya hai,
Jaha Pehle Din,Jese jese school paas aata jaa rha tha wese wese dil ki dhadkan or tez hoti jaa rahi thi,
Wahi Aakhiri Din bhi jese jese chutti ka time kareeb aata ja rha tha wese wese dil ki dhadkan bhi or tez hoti jaa rhi thi.

meri kahani' Copy 2

Ab bas Yaadein Baaki reh gayi hai…

Wo copy ke last page par zero cross khelna,
Wo class me Raja,Mantri,Chor,Sipahi khelna,
Wo recess se pehle wale period me kabhi kabhi lunch se khana nikalkar khaa jana,
Wo Half-day wale din maggi lakar itrana,
Wo dosto ke sath lunch share karna,
Wo teacher ke naa aane par unke period me khoob masti karna,
Wo kabhi kabhi principle ka, period ke time teacher ko apne office m bula lena,or period ke khatam hone tak unke naa aane ki duaa karna,
Wo test time m kabhi kabhi cheating kar lena,
Wo class moniter se dosti kar lena,
Wo prayer time me kabhi kabhi class me hi reh jana,
Wo dosto ko unke crush ke naam se pukaarna,
Wo class me kisi ke naa aane se kuch udaas sa ho jaana,
Wo kabhi kabhi test wale din school hi na jaana,
Wo Home-work na karne ke bahane bananaa,or copy submit time par apni copy sabse neeche rakh dena,
Wo class attendance time par aaj school na aaye dost k roll number pe Yes Sir bol dena,
Wo Teacher ke class me enter karne par seat se khade hokar ek sath jor se GOOOOOOD Mooorning teacher bolna,
Wo Apni seat par bethne ke liye kabhi kabhi ladh jana,
Wo Class Teacher ka sabke bethne ki seat ko fixed karna,or next period me fhir se apni marzi ki jagah par beth jaana,
Or naa jaane is tarah ki kitni yaadein hai jo ab bas yaad ban kar reh gayi hai…

Yaad Hai Mujhe Aaj Bhi Wo School Ka Pehla or Aakhiri Din…

 

 

Anmol Tandon

Advertisements

Aaj Bhi Online Aaongi Kya…

Aaj fhir Internet recharge card lene Market jaau Kya,
Aaj fhir dost ke smartphone se apna Nokia 1108 exchange karu kya,
Aaj fhir late night study ka bahana bnaau kya,
Aaj Bhi Online Aaongi Kya…

Kuch Haal Apna batane,kuch haal mera poochne,
Kuch baatein apni kehne,kuch baatein meri sunne,
Kuch pyaar apna dikhaane,kuch pyaar mera paane,
Kuch raaz apne batane,kuch raaz mere sunne,
Aaj Bhi Online Aaongi Kya…
Kuch baatein hai jaroori jo tumhe batana jaroori hai,
Kuch yaadein hai sunheri jo tumhe batana jaroori hai,
Kuch Aansu hai in aankon me jo tumhe dikhana jaroori hai,
Kuch Sapne hai in aankon me jo tumhe dikhana jaroori hai,
Aaj Bhi Online Aaongi Kya…

photomania-68a88a641dfd1beaad21b8e022360ea4

Itne dino ki baatein aaj aakar btaaongi kya,
Kuch Apne Dosto ke kisse aaj fhir se sunaongi kya,
Apne School or Tution ki masti aaj fhir se aakar btaaongi kya,
Apne papa ka pyaar or mammi ka daat aaj fhir se aakar btaaongi kya,
Aaj Bhi Online Aaongi Kya…
Kuch baatien jo us din Adhoori si reh gayi thi,unhe aaj poora karne aaongi kya,
Jab simran ke bhai ko simran or rahul ke love ka pata chala tha..? uske baad ka kissa batane aaongi kya,
Us Din adhoori reh gayi apni poem ko aaj poora karne aaongi kya,
Us Din pooche mere un sawalo ka jabaab aaj dene aaongi kya,
Aaj Bhi Online Aaongi Kya…

Fhir se aaj doosre ladke ki tareef kar mujhe chidane aaongi kya,
Kuch baaton me pyaar dikhane or kuch baaton me gussa dikhane aaongi kya,
Thoda roothne,thoda manane,
Thoda chidne,thoda chidane,
Thoda rone,thoda roolane,
Thoda hasne,thoda hasane,
Aaj fhir se Gud Night Sweet Dreams kehne aaongi kya,
Aaj Bhi Online Aaongi Kya…

Anmol Tandon

Ek Doll…

Ye kahani hai us ladke ki jisse apni life me dhokhe to bahut mile but uski baat sunne wala uske dard ko apna dard samajhne wala duniya me koi nahi hai.. Rohit age 23 saal…
us ladke ka naam hai Rohit..

Friends the bachpan ke wo apni apni life me busy ho gaye or family hai jisme uske mammi-papa chota bhai hai. Rohit ki koi behen nahi hai jo use bhai jesa pyaaar de sake to uski family kahi door kisi chote se gaaon me hai jinki bahut si problem hai unki apni life me or rohit unhi problem ko door karne ke liye sabse door ek anjaan sheher Mumbai me job ki talaash me aata hai..

Kyoki Kisi ne kaha h na sapne poore karne ho to Mumbai aa Jaao..
Akela hai., uske paas esa koi nahi hai jisse wo apne dil ki sab baatein share kare kyoki life me koi to chahiye hota hai na apni baatein,feeling share karne ke liye, but afsoos uske paas esa koi nahi hai. Rohit ek room leta hai rent p jha wo akela rehta hai wo dekhta hai ki ek corner par ek Doll rakhi hui hai jab rohit us doll ko dekhta hai to naa jaane rohit ko esa lagta hai ki ye bhi meri tatrah life me akeli hai iska bhi koi nahi hai jo iski baat sun sake or fhir kya tha rohit ne use apne saath rakhne ka decision le liya, na jaane rohit ka us doll ke saath ek lagaab sa ho gaya tha… Doll ka naam rakh diya Jivya

Kyoki Rohit ne MBA kiya hua hai isliye usko asaani se Job mil bhi jaati hai , Rohit Apne Office ki bhi har ek Baat Jivya (Doll) ke sath share karne lag gya..

Rohit ko bhi achaa lagne laga ki koi to hai jo uski har baat sunta hai…

isi tarah 2 saal beet gaye rohit ka promotion ho gaya or wo har ek baat doll k saath share karne laga

Rohit ko ek ladki pasand aane lag gayi thi jiska naam tha shivani , wo doll se uske baare m sab baatein karne laga … Ho gya tha Rohit ko usse One Sided Love.
Sab kuch sahi chal raha tha or ek din peeche se awaaz aayi Suno Rohit….

Rohit ne jese hi peeche mudh kar dekha to uske pagalpan ka thikaana na raha kyoki wo awaaz kisi or ki nahi shivani ki hi thi jisse rohit One sided pyaar karne lag gya tha .. dheere dheere unki baatein shuru hui fhr kyaa tha Rohit ne jo jo sapne dekhe the wo use poore hote hue nazar aa rhe the shayad uski life m Doll uski kismat ban kar aa gayi ho . Rohit ko achhi naukari lag gayi, family ki problem short hone lagi or haa pyaar bhi to one side se double side me change ho rha tha…

But Ab Rohit Doll se jyaada shivani ko time dene lag gya or doll udaas si kisi ek corner par rakhi rehti. Rohit to khush tha bt doll ka dil udaas ho gya kyoki ab rohit usse bahut kam baatein karne lg gya tha apni feeling uske saath share nahi karta tha..

Rohit ek shaam bahut khush tha kyoki next day apni company m apni team ko fhir ek award dilwane wala tha jo wo 2 saal se dilwa rha tha, us shaam usne shivani ko date p bulaya or use ghar chod kar appne room me aakar doll hath me lekar apni balcony me aakar beth gaya rohit ne bahut drink kar rakhi thi or doll se bolne laga ki mujhe ab sab mil gya hai ab m apna dard apni feeling shivani ke sath share kar leta hu. Ye sunkar maano Doll ki aakhon m aasu aa gaye ho jaise wo sab samajhti ho but kuch bol nahi sakti…

But Next day esa Kuch hua jisne Rohit ki jindagi fhir usi mod pe laakar khadi kar di jha se usne shuru ki thi..

Us shaam Jab Rohit office se nikalta hai or to usi time bahut tez aandhi aa jaati hai or fhir baarish.

Rohit Rota Hua, Bheega hua ghar aata hai or doll ko dhoondhne lagta hai, har jagah dhoondhta hai but usko doll nahi milti hai wo udaas hokar apne sir pe haath rakhkar zameen pe beth jaata hai or roone lagta hai kyoki uske saath jo dhokha hua h wo us doll ko batana h, apna dard uske saath share karna hai..

Fhir suddenly usko yaad aata hai Ki kal raat jab wo piye hue tha to balcony pe Doll se baat kar rha tha to wo bhaagkar balcony me jaata hai or dekhta hai but Doll wha bhi nahi thi use kuch yaad aata hai ki usne shaayad doll ko balkani ki steel railing ke upar rakh diya tha but shaam ko aandhi aayi thi jisse wo doll aandhi se neeche road pe gir jati hai.
Fhir Rohit neeche main road pe dekhta hai usko waha sirf tez raftaar me chalti hui car,bikes nazar aati hai fhir rohit jaldi se main road pe doll ko dhoondhne ke liye jaata hai or pagalo ki tarah us doll ko dhoondhne lagta hai bahut dhoondhta hai but usko wo doll nahi milti wo fhir se udaas ho jaata hao or road pe hi ek side beth kr rone lagta hai or upar aasman ki taraf muh kar ke jor se chillata hai or kehta hai ‘ Mere saath hi esa kyo karte ho tum’.

Tabhi uski nazar paas me padhe garbaze ki taraf jaati hai or wo dekhta hai ki ek pyaari si bacchii (age 7 saal) us doll ke saath khel rahi hoti hai. wo jaldi se uthkar us ladki ke paas jata hai or usse bolta hai ki aapko ye doll kha se mili to wo ladki thoda dari hui bolti hai ki mujhe ye doll yaha road pe padhi mili or apne bachpan ki maasomiyat dikhate hue bolti hai ki ek car iske upar chadne wali thi but mene isko bacha liya or dekh rahi hu ki iske kahi chot to nahi lagi. Ye sunkar rohit ka dil bhar jata hai or wo us pyaari si bacchi ko apne gale laga leta hai or usse uske baare me poochta hai.

Choti si Ladki Bolti Hai mera naam Jivya hai or uska koi nahi hai papa-mammi pata nhi kha hai bahut dino se nahi mil rahe..
Ye sunkar Rohit 2 minute ke liye usi ki taraf dekhne lagta hai or fhr us ladki se bolta hai ki tumhe pta hai is Doll ka naam bhi Jivya hai..

Bachhi khush ho jaati hai ye sunkar…
Rohit use apne ghar le aata hai or use khana khilakar sula deta hai or fhir Doll ko apne saath hue dhokhe ke baare me batata hai..
“Rohit apni doll ko batata hai ki…. jab Morning office gaya to usne dekha ki is baar award Meri Team ko nahi Doosri Team ko mila h jisse uska Boss usse bolta hai ki ye hamare project ki sab details bas tumhe hi pata thi to same project doosri team ne kese hamse pehle de diya or uska demotion kar deta hai.

Fhir Rohit udaas ek corner me betha hua Sochta hai ki usne kisi ko nahi bataya fhir esa kese ho gaya wo sochne lagta hai or use dhyaan aata hai jab kal raat wo piye hue tha tab usne sab detail shivani ko di thi..
Kyoki shivani koi or nahi Rohit k office me hi kaam karti thi…

Wo shivani se baat karne jaata hai ki wo dekhta hai ki shivani doosri team ke boss se baat kr rahi hoti hai ki sir aapne jesa kaha tha ki tum rohit se pyaar bhari baatein kar ke use apne jaal me fasa kar usse uske project ki sab detail nikal kar aap ko de di ab to mera promotion pakka hai na sir.
ye sab sunakar rohit doll ko apne seene se laga leta hai or Rohit rone lagta hai, tabhi  7 saal ki Jivya (bacchi) rohit ko rota dekh paas aati hai or  aasu poochte hue bolti hai, Roo mat ab to aapko aapki doll mil gayi hai bhaiya. bachhi ki is massomiyat ko dekh use bhi apne gale laga leta hai or bolta hai ki haa mujhe meri Doll mil gyi…

Doll ki aakho m bhi kuch udaasdi jesa or jivya ke saath rehne ki khushi jesi,,

Next day rohit police station jata hai or jivya ke parents missing ki report likhwata hai or ghr wapis aa jata hai jivya ke sath. thodi der baad police station se phone aata hai ki jivya ke parents ki ek accident m death ho chuki hai.

Rohit jivya ke sir pe pyaar se haath ferte hue bolta hai ki ab tum yahi mere sath rahongi , jivya ko bhi Rohit jesa bhai mil jaata hai or Rohit ko bhi behen jesi Jivya mil jaati hai. Ab Rohit akela nahi hai uske paas ab do Jivya hai… Ek behen or ek uski har baat sunne wali usko samajhne wali or uski kismat badalne wali…

 
Moral : Rohit ne jisse apne dil ki har ek baar share ki apni har ek feeling share ki , usne 2 din pehle aayi ladki ke liye us se muh mod liya tha, us ladki ke liye jisne uska use kara … Isliye un dost ko kabhi nahi bhoolna chahiye jo tumhaari har ek baat sunta ho jo har time tumhare sath khada ho kisi bhi time.. Kyoki wo dost kahi nahi milega pyaar ka kya hai wo to har din trafic jaam m bhi ho jata hai…

Yaad Hai Mujhe Wo Bachpan Wali Baarish…

Haa Yaad Hai Mujhe Wo Bachpan Wali Baarish…

Wo bachpan ki,Kuch Meethi si Yaadon wali baarish,

Wo bina kuch kahe sab kuch keh jaane wali baarish,

Wo Ajeeb si ek khushi de jaane wali baarish,

Wo ajeeb si khushboo wali baarish,

Haa Yaad Hai Mujhe Wo Bachpan Wali Baarish…

Yaad hai mujhe wo kabhi-kabhi, bhagwaan se baarish karne ki gujaarish karna,

Ki kaash aaj baarish ho jaaye, school or tution ki chutti ho jaaye,

Ki Kaash aaj baarish ho jaaye, school or tution ke test se bach jaaye,

Ki Kaash aaj baarish ho jaaye or aaj poore din masti ho jaaye,

jj

Haa Yaad Hai Mujhe Wo Bachpan Wali Baarish…

Yaad hai mujhe wo dosto ke saath kaagaz ki naao banane wali baarish,

Yaad hai mujhe wo dosto ke saath galiyo me masti karne wali baarish,

Yaad hai mujhe wo doobara se nahane wali baarish,

Haa Yaad Hai Mujhe Wo Bachpan Wali Baarish…

 

 

 

 

 

 

 

 

 

Kaash Tum Meri Jindagi Me Yu Aaye Naa Hote…

Kaash Tum Meri Jindagi Me Yu Aaye Naa Hote…

Yu hame dekh kar mushkuraaye na hote,
Yu apne har dil ke raaz hame bataaye na hote,
Yu jhoothe sapne hame dikhaaye na hote,
To aaj hum yu udaas na hote,

Kaash Tum Meri Jindagi Me Yu Aaye Naa Hote…

In aankho me aansu aaye na hote,
Tum jo peeche mud kar sharmaaye na hote,
Chale gaye zindagi se yun kuch bhi na bolkar,
Keh dete to yun sapne sajaye na hote,

Kaash Tum Meri Jindagi Me Yu Aaye Naa Hote…

Aansuon ke badle mujhe khushi hi de dete,
To aaj yun gam ke baadal yu chhaye na hote,
Gar hota pata pehle mohabbat ki raho me,aise bhi mod aayenge,
To humne chahkar bhi kabhi yeh raste apnaaye na hote,

Kaash Tum Meri Jindagi Me Yu Aaye Naa Hote…

Mere ashko ko tumne mehez paani karaar de diya,
Pata hota to aaj yun motiyon ke sailaab bahaye na hote,
Tumhare jaane ke baad pal-pal ye gam hota hai ki,

Kaash Tum Meri Jindagi Me Yu Aaye Naa Hote…

Anmol Tandon

Ab Hamse Naa Ho Paayega…

Ab Hamse Naa Ho Paayega…

Wo tere liye tution bunk karna,
Wo tere liye college bunk karna,
Wo tere liye exam tak Chod dena,

Ab Hamse Naa Ho Paayega…

Wo tujhe roj ka manana,
Wo tere liye sabse ladh jaana,
Wo tere liye hazaaro jhooth bolna,

Ab Hamse Naa Ho Paayega…

Wo har mandir me bhagwaan se tujhe mangna,
Wo har ek nawaaz me teri dua kabool karne ki dua karna,
Wo har ek toote hue taare se tujhe maangna,

Ab Hamse Naa Ho Paayega…

Wo har ek teri galti ko maaf kar dena,
Wo har ek tere sawaal ka jabab dena,
Wo har raat der se sona,

Ab Hamse Naa Ho Paayega…

Wo tere liye cigarette chod dena,
Wo tere liye dosto ka saath chod dena,
Wo tere liye khud ko chod dena,

Ab Hamse Naa Ho Paayega…

Wo tere sath facebook ka password share karna,
Wo tere sath har ek baat share karna,
Wo tere sath apni aazadi share karna,

Ab Hamse Naa Ho Paayega…

Anmol Tandon

Ye Pyaar Hi To Hai Pagli , Tu Samajhti Kyo Nahi…

Ye Pyaar Hi To Hai Pagli,
Tu Samajhti Kyo Nahi…

Wo Sheher ke tamaam coching center ko chod bas usi coching center me jaana, Jha tu jaya karti hai..

Wo tamaam dosto ko chod bas unhi dosto ke saath ghoomna, Jinke saath tu bhi ghooma karti hai..

Wo Tamaam Mandiro ko chod bas usi time usi mandir me jaana, Jha tu jaya karti hai..

Ye Pyaar Hi To Hai Pagli,
Tu Samajhti Kyo Nahi…

Wo Physics ke Newton’s Law , Math Ke Farmula, Chemistry ki reaction se jyada tujhe Yaad karna..

Wo Income Tax ki Income, Business Rules ke rules, Economy ki money se jyaada tujhe yaad karna..

Wo History ki Battle, Political ki Polity, Geography ke Map se jyaada tujhe Yaad Karna..

Ye Pyaar Hi To Hai Pagli,
Tu Samajhti Kyo Nahi…

Wo School ki Book me chupakar teri photo rakhna..

Wo mobile ki hidden list me tujhko rakhna..

Wo Facebook account se lekar Bank account k password me tujhe rakhna..

Ye Pyaar Hi To Hai Pagli,
Tu Samajhti Kyo Nahi…

Wo Har Roz Tujhko Coffee Cafe ka invitation dena..

Wo Har Roz Tere se Har ek baat share karna..

Wo Har Roz Teri Har ek Post pe Dil wala Like dena..

Wo Har Roz tere message ka within 5sec me hi reply karna..

Wo Har Roz teri Good Morning se meri Subhah hona or Teri Good Night se meri raat hona..

Ye Pyaar Hi To Hai Pagli,
Tu Samajhti Kyo Nahi…

Anmol Tandon🙏